Pynlait ka DoNER Rs.30 klur | Daw yoh myntoi ka Seiñraij, u sarok Borkhat-Sonapur wei chna yingkieñ ha Umngot

Ka Ministry of Development of North Eastern Region (DoNER) lyngba ki Scheme hapoh ka North Eastern Council (SONEC) wa hapoh ka NESIDS (Roads) neibynta u October, 2025 da pynlait poisa ko kawa dapoi Rs. 30 klur tam du neibynta ka Meghalaya.

Hapoh ka SONEC da pynlait Rs.5,01,75,00 neibynta wow thied kor MRI ha Tura Civil Hospital wei neibynta ka Mawshynrut C&RD Block da pynlait Rs.94,50,000.

Related posts

Yow lait u thut i puræ puthi kyntu ka MCA wow pynman da ki Special Exam ya ki khynnah wa mihkhmat ya ka jylla hei yalehke Cricket

November 12, 2025

Wai u Conrad ya ki kamra thymme ka Ri Bhoi Synod College kiwa chna hei lut wa palat Rs. 26 lak

November 11, 2025

Neibynta ka North East Student Program for Awareness, Reach and Knowledge on Space (NESPARKS) da pynlait, Rs. 1,15,12,000, neibynta ka Rural Eco Tourism ha Garo Hills (East, West wa South West Garo Hills) da pynlait Rs. 31,29,608, neibynta wow chna ya ka Seiñraij Jowai Community Hall Cum Recreation Centre Building wa em ha Dulong, Jowai da pynlait Rs. 1,04,00,000. Kini waroh dapoi ki Rs. 8,46,66,608.

Hapoh won ka NESIDS (Roads) da pynlait Rs. 22.90 klur heiwa Rs. 17.90 klur man ko yow chna pynmiat ya u sarok Borkhat-Sonapur ya i bynta wa jrong 39.59 Km wei da pynlait leh Rs. 5 klur yow chna ya ka yingkieñ wa jrong 0.11Km ka wow lai najrong ka Umngot deiwa pynyabi ya u sarok Jongksha-Kharang-Diengleng-Nongjrong- Moodymmai-Wahiajer.