Ka Dorbar Chnong Pasyih ha ka 19 tarik uni u bnai da pynlait paidbah ko ya ki Ticket Lucky Draw kam chibynta ka Fete kiwa daw pynkhle ha ka 06-12-24.
Ya kini ki Ticket da wan wow pynlait paidbah da ka Ida Rymbai kawa man ka khon yong ka chnong Pasyih heijooh i por man ko leh kam ka District Informatics Officer yong ka National Informatics Center, East Jaiñtia Hills kam ka kongsan hei emlang u Waheh Chnong, Secretary Chnong, Assistant Waheh Chnong ki dkhot yong ka chnong kamjooh u Secretary Fete wa u Chairman Fete yong ka Dorbar Chnong Pasyih deiwa emlang ki waheh wa sian yong ka chnong ka thaw waroh kawi.
Neiliang ka Dorbar Chnong Pasyih da khut sñiawbha ko ya waroh ki paidbah wow sñiawbha phi u thied ya kini ki Ticket Lucky Draw kam chibynta u yarap phi ya ka chnong khnang wow yoh ko u pynmiat pynbha ya ka yung dorbar yong ka chnong kawa dang boon bha i emkaaam.
Da khut sñiawbha leh ya phi ki paidbah wow wan sakhi phi ya ka Fete ka wow man ha ka 06-12-2024 ha chnong Pasyih wei daw em leh ki yalehke wa boon jait ki wow pynhun ya phi ki paidbah wa wan kyrchaan ya ka Fete yong ka chnong.
Ki Prize yong ka Lucky Draw man ki kamni:
1st Prize- S Presso
2nd Prize- Scooty Yamaha
3rd Prize- Rs. 50,000 (sanphaw hajar tangka)
Consolation Prize: 4 tylli ki Mobile 5G
Ka bai Ticket Lucky Draw man ko Rs. 30 chi sla wa Rs. 300 chi Book.
Discussion about this post