Pynlait ka India yei Video wa dat Bomb ya i thaw chipai ka Pakistan

Ka Indian Army da pynlait ko yei Video wa pynyoo wa chah dat Bomb iwi i yung wa man kam ka Military Post ka Pakistan. Hanla ym em khana heiwon em ini i thaw, tangwa da ong wa da e yei jubab wa biang ya ka Pakistan.

Ka India da ong ko wa ka Pakistan hei miet ka 8 tarik hadooh wa kylla tarik da pynemkaam ko da ki Drone wa kiwi ki tiar siat ha tymbood u pood neiliang sepsngi ka India wei da tyngkheiñ ko leh ya ki Cease Fire ha ki bynta wa em u Line of Control ha Jammu & Kashmir.

Da pyntip leh wa ya kini ki Drone wa phah ka Pakistan da ye wow siat lut ki.

Ynnin i miet ka Pakistan da pyrchang ko wow siat ya ki thaw chipai ka India wa em ha Jammu, Pathankot, Udhampur wa kiwi de ki thaw tangwa ya kini da ye wow siat lut ki.

Related posts

Yow krum sa ka Ropeway kawa ₹151 klur hawa da em ka sarok 4-Lane yow lai cha Shillong Peak: TUR

October 25, 2026

Wa da kot u yaichah ya kiwa yahkhmat ka UDP ki wym kheiñkor ya u MLA, lai bood ki dkhot ka UDP 4-Mowkiaw ya u Nujorki cha ka NPP

October 25, 2026