Ka Indian Coast Guard ynnin ka sngi da yoh ko u pynlait ya ki 19 ngut ki nong Bangladesh na ka lieñ wa e pyrtuid ‘Rana’, hadien wa sih ki kor ko (mechanical breakdown) wei da kai ko chajan ka jylla Odisha.
Ka Indian Coast Guard, da ong ko wa kani ka lieñ khwe dakha na Bangladesh da kai ko la kamwa 10 sngi hadien wa sih ki kor ko.
Ya kani ka lieñ da yoh u yarap deiwa pynemkaam ya ka jhaad ka India Coast Guard Ship Varad wei da ye u e dawai (first aid) ya kini ki 19 ngut wei da e leh ya ki i baam wei da yarap wow taan ya ka.
