Ka Bharti Institute of Public Policy, kawa man ka chlem thooh bniah ka Indian School of Business (ISB), da wai paidbah ko yaka Website Meghalaya Data Portal (https://meghalayadataportal.com), kawa ye u pynemkaam da waroh nadooh ki paidbah, kiwa thoh khubor, kiwa mihkhmat paidbah yow tip wei wow yoh yukheiñ chaphang ka jylla Meghalaya.
Ya kani ka Meghalaya Data Portal da wai ha ISB Campus da u Speaker ka Meghalaya Legislative Assembly, u Thomas A. Sangma wa u Prof. Ashwini Chhatre, Executive Director, Bharti Institute of Public Policy.
U Thomas da yaroh u ya ini i krehlang ka sorkar Meghalaya waka ISB deiwa ong wa kani ka Website daw yarap ko chiboon ya waroh wow yoh ya waroh iwa emkaam ki u tip nadooh ki kaam wa yatoh waka rep ka riang, ka puræ puthi, ka kahyi pateiñ wa kiwi kiwi de.
Kani ka Meghalaya Data Portal man ko kam chibynta i thong ka Bharti Institute of Public Policy wow booh yukheiñ ya ka ri waroh kawi deiwa e laad ya kiwa chong chnong wow yoh laad ki wow tip wei wow yoh yukheiñ iwa dei mynkna wa deiwa khooid.
Katkam wa man kattæ da em 50 tylli ki Dataset yong ki 11 tylli ki kaam wa yatoh wa Crime, Economy, Education, Elections, Food & Agriculture wa kiwi de. Ha kani ka Meghalaya Data Portal, ki paidbah ye ki leh wow Download ya i yukheiñ yukdiah.
Kani ka Website man ko kawa ar kam kani wa da pynmih da ka Bharti Institute of Public Policy hadien wa pynlait ya kawa nyngkong neibynta ka Himachal Pradesh.
Discussion about this post