Jowai: Ka Dorbar Chnong Panaliar ha kani ka 1 Naikhynde da pynlait ko ya ki ticket khle nasib yong u snem 2019 ha ka yalang wa man ha Yungwalieh ka Dorbar Chnong.
Ya kani ka yalang da pynlai da u Careme Phawa uwa man kam u General Secretary, da yoh yei kyntien ngoohblai na u Mariyoo Rymbai wa i klam na u Riquoma Rq. Laloo uwa man kam u Waheh Chnong.
Ha kani ka sngi u SDO ka PHE, Amlarem, u Deibormi Toi da pynlait u ya kini ki ticket kam u kongsan wei da pynkut ya ka yalang da ki kyntien khublei na u Asst. Secretary ka chnong, u Wombai Sumer.
Kani ka khle nasib toh neibynta wow pynmih poisa ya ka Sports and Games Complex wei ya kani ka khle nasib u pynkhle ha ka 14 Kmaichonglad ha Madan Ball ka Chnong.
Discussion about this post