Ynnin hadien wa kular u montri rangbahdooh ka ri, u Narendra Modi lyngba ka Video Conference wa ki montri rangbah ki jylla kamjooh wa ki montri ka sorkar pyrdi, neiliang ka Ministry of Home Affairs da rai ko wow pynlait T. 11,092 klur hapoh ka State Disaster Risk Management Fund (SDRMF), cha waroh ki jylla.
Ka sorkar da pynlait ko ya ka bhah wa nyngkong (Installment) yong ka cha ka State Disaster Risk Management Fund neibynta u snem 2020-21, kawa kynjoh T. 11,092 klur.
Kam chibynta wow pynkhreh ya ki sorkar jylla wow yakhun ki pyrchah ya ka khlam u COVID-19 ka sorkar pyrdi ha ka 14-03-2020 da rai kyrpang ko wa ye ki sorkar u pynemkaam ya ka poisa hapoh ka State Disaster Response Fund (SDRF).
Hapoh kani ka Fund da chah wow chna/booh ya ki thaw khang kset (Quarantine Facilities), ya ki thaw pynlang sample, ki thaw sylli (screening); wow chna ya ki thaw sylli bniah (Testing Laboratories) wow thied ya ki tiar yada namo ki Personal Protection Equipment (PPE) ya ki wakreh ha i chait i khiah, municipal, police, wow thied ya ki tiar thaw chit (Thermal Scanners), ventilators, wa kiwi kiwi kiwi neibynta ki thaw sumaar sorkar.
Neidaw wa boon ki bru kiwa emkaam baam wa ki thaw sah neibynta kiwa ym em yung kiwa da chah ktah joor bha ha kani ka lockdown, kamtæ ka sorkar pyrdi ha ka 28-03-2020 da ebor ko ya ki sorkar jylla wow pynemkaam ya ka SDRF neibynta ini.
Chooh chooh ka sorkar pyrdi da man ko kawa da khreh wow e yarap katwa ye ya ki sorkar jylla heiyatoh wa i yakhun ya kani ka khlam u COVID-19.
Discussion about this post