Ka State Rural Employment Society (SRES) kawa man kam kawa pait yei pynkrehkaam ya ka MGNREGA, PMAY-G, RGSA, CFP, Community & Rural Development Department ka sorkar Meghalaya da pyntip ko wa ka sorkar India lyngba ka Ministry of Rural Development da pynlait ko ya ka poisa neibynta ki tiar ki tar, ki mar ki mata neibynta ka MGNREGA kawa dapoi T. 391 klur.
Kani ka poisa toh neibynta ki kaam wa dang sah yong u snem mang tangka 2021-22 kawa ym ye u pynlait ini wadep neidaw wa da pynpsiah ya waroh ki Subsidiary Account hapoh kawi ka State Nodal Account yow pynthymme ya ka NREGASoft Module yow pynlang pynlum ya waroh ki pyrtuid ki wakreh, kiwa pynbiang ya ki mar ki mata, ki pyrtuid ki bru wakreh wa kiwi kiwi yow pynkhooid yei rukom phah poisa.
Ka bhah poisa wa khaddooh wa da yoh ka jylla toh ha u Wisu (Mar) 2022 kawa dapoi T. 49 klur.
Neiliang u Montri Rangbah ka jylla, u Conrad Sangma da rah u ya ini i kaam hakhmat u Montri ka sorkar pyrdi wa pait ya ka Rural Development wa ha u Montri ka C&RD wa Principal Secretary, Community & Rural Development yow pynlait poisa ka sorkar India. Mar ya poi kani ka poisa chapoh ka jylla daw phah wut wut cha ki jar jiar ki VEC hapoh uni u bnai.
Da pyntip leh wa ka bai nongsngi ym toh kawa thut wei da su hapoh 15 sngi hadien wa phah ya ka Muster Roll tangwa iwa sahkut toh ka bai tiar bai tar wa ki mar ki mata.
Ka sorkar da pyntip ko wa hapoh ka MGNREGA, ka jylla ym du wow yoh kreh ki paaid wa em cha palatsor tangwa ye ki wow chna u tei ya iwa emkaam ka chnong ka thaw. Kamtæ da e khublei ya ki VEC yei rukom pynkrehkaam ya ka MGNREGA heiwa ka jylla da pteiñ ko wow man kam kawi na ki jylla wa pynkrehkaam bha ya kani ka Scheme.
