Pynlait ka sorkar wow challan ya u mooyong wa da kit chwa ka 15 tarik

Jowai: U T. Dkhar Commissioner & Secretary ka sorkar Meghalaya, Mining & Geology Department da pynmih hukum u wow chah biang u challan ya u mooyong chi syndon deiwa booh ya kini ki kyndon ha wah deiwa pynkylla ya ka hukum wa pynmih kani ka chnat sorkar ha ka 15 tarik uni u bnai.

Ya u mooyong wa da dep kit chwa ka 15-01-19, kiwa da em cha luti wa kiwa biang ki kot ki sla ye hi ki u challan ya u mooyong.
Ya u mooyong wa wan na baar ka jylla Meghalaya kiwa lai cha ki karkhana wa em hapoh ka jylla namo kiwa emkaam yong ki bru samen wei kiwa lai challan won cha kiwi ki jylla wa ki ri ym khang ya ki.
Ym e challan de nadooh ka 15-01-19 katkam wa hukum ka Supreme Court.

Kam wow pynkynmoo ha ka 15 tarik ka Supreme Court da khang ko ya waroh i challan wow kit mooyong hapoh ka jylla.