Ka sorkar Meghalaya da pyntip ko wa da wai ya kitu kiwa kwah wow pynemkaam ya ki ki Bus ‘STEMS’ yow pynkyllooid ya ka sor Shillong.
Kam chibynta wow sdang daw pynemkaam ki ha ka thaaiñ Laitumkhrah-Dhanketi heiwa ka sorkar da dep ko wow thied 30 tylli kini ki BUS kiwa da pyndait lang wa ki GPS deilang wa ki CCTV Camera wei da pynlait paidbah leh ya ka Mobile App wa tip kam u ‘STEMS Meghalaya’ ya kitu kiwa kwah wow pynemkaam ya kini ki Bus.
Ki bru wa pynkrehkaam ya kini ki Bus toh kiwa da dep chah sikai nadooh kiwa yah kamjooh ki Supervisor yow pyntikna wa kiwa pynemkaam ki man ki kiwa chngaaiñ wei man ki leh kyrpang ya ki khynnah wa lai skur.
Kamtæ ki manbei manpa kiwa kwah wow e pyrtuid ya ki khon ki ki wow pynemkaam ya kini ki Bus ye ki wow Download ya kani ka Mobile App kawa ye u yoh na Google Play Store yow pyndap yei pyrtuid ki khon ki.
Yow tip kammon wow leh yeini ye wow yoh na https://stems-meghalaya.nic.in/ kawa daw pynyoo iwa pa iwi wei ya kani ka App daw yoh leh na ka iOS App Store ym slem de.
Lada emkaam wow tip bniah chooh chooh ye wow Phone ha kini ki Number: 0364-3500097/0364-3500098/9436312223 ha ki por man kreh lane deiwa email ha [email protected].
