Ynne ka sngi ki chipai pulit ka Indian Coast Guard (ICG) da yoh ki wow pynlait ya uwi uwa khwe dakha na duriaw hajan ka chnong Kodiakkarai, Tamil Nadu.
Ki chipai ha ka Coast Guard Ship ‘Ameya’ da chem ki ya uni uwa khwe ha ka lieñ kamwa 20 Km na Point Calimere.
Neiliang ki ICG da yarap ki ya oo deiwa pynbiang ya i baam, ki dawai wa ki sula ya uni uwa khwe.
Ki chipai ka Indian Coast Guard (ICG) toh ki chipai wa yada ya ki rood duriaw ka ri wei da embynta ki ha kiwa boon ki kaam nadooh wow pynlait ya kiwa chem chitom, i yakhun pyrchah ya i khayi ya ki mar tooh wa kiwi kiwi.
