Pynlait ki FES ya kawa 21 snem chwa wow kynthiar ko na soo mala

Ki pulit ka Ahmedabad Fire and Emergency Services (AFES), ynnin ka sngi da pynyoo ki yei mynsien wa chlur hadien wa yoh ki u pynlait-im ya kawi ka kynthai wa 21 snem i rta kawa mut u kynthiar na soo mala i yung wa sah ko heiwa yeini waroh da yoh wow riñ Video iwa da poor ha ki Social Media.

Ki AFES da yoh Phone ki na ka bei wa u pa kani ka kynthai heiwa da paan yarap ki wow pynlait ya ka khon ki kawa da kset pyn-yaka hi ha kamra ko ha Ganesh Flora, Ahmedabad.

Mar ya poi heini, ki AFES da chem chitom ki wow yarap ya kani ka kynthai neibhah wa da khang ko ya ka dwar cha kamra ko wei da chong ko ha lait yow kynthiar.

Kamtæ da phah chibhah ki pulit ha kawi ka Building mar pyrchah ini i kamra wei chibhah won cha ka mala wa san i yung hajrong iwa sah kani ka kynthai.

Related posts

Operation Keller: Chiboon ki tiar yaleh yoh ki chipai na kiwa chah siat

May 14, 2025

Pdiang u Wailadmiki yei dawa wow pynman ya ka Jowai kam ka Summer Capital ka Meghalaya

May 14, 2025

Chooh chooh wow pyntikna wa ym takha kani ka kynthai da booh ya ka jaar wa ki tusok ha tre ini i yung (Building).

Neiliang ki pulit wa em mar pyrchah wa i yung ko da pteiñ ki u yaklam wa ka khnang wow lait ko u kynthiar.  

Heini i por u pulit ka FES uwa da kdoh lang wa u tylle da kynthiar u na ka mala wa san heiwa da ye u wow ksoh wei wow pynlait ya kani ka kynthai deiwa taan ka chapoh ka Balcony katwa ki paidbah na madan da thaap-kti wei da kyr’iaw ki.