Ka Dorbar Dong Mookynphad Mihmyntdu ynne ka sngi da pynlait paidbah ko ya ki Ticket Lucky Draw kam chibynta ka Fete ka wow man ha ka 2 wa 3 tarik u Kmaichonglad (Dec) 2022.
Ya kini ki Ticket da wan wow pynlait da u MDC ka thaaiñ, u Brightstar Chyrmang, ha ka yalang wa da pynlai da u Chairman Fete Mookynphad, u Kmenlang Shylla deiwa emlang u Secretary ka Fete Committee wa ki dkhot yong ka Dorbar Dong Mookynphad.
Kani ka Fete u man ko leh kam chibynta wow pynmih poisa yow chna ya ka Community Hall ka Dorbar Dong Mookynphad.
Ha kani ka Lucky Draw ki khusnaam toh 1st Prize-Rs. 50,000; ka 2nd Prize- Rs. 30,000 katwa ka 3rd Prize- Rs. 20,000.
