Ka Seiñ Kur Kutnga 14-Khrong, Jowai hei janmiet ka 14 tarik da pylnait paidbah ko ya ki Ticket khle nasib namo ka Lucky Draw ha yung ka Blostimon Patlong ha Khliehïongriang, Jowai hei emlang ki waheh ka kur.
Ya ka yalang da pynlai da u Backland Pajuh, President wa u Hunmon Sutnga, General Secretary ka kur uwa da pynsñiaw yaka thong wa ka seiñ kur em ko wow su lut yaka poisa wa dang sah wa thied thaw, kamjooh leh yow sdang noh u chna yei yung ka kur.
Neiliang u Yoowanki Chyrnang hawa e yei klam kam u kongsan ha kani ka janmiet da yaroh u yei lai luti ka kur wa da ye ko u pynlum pynlang ya ki kur waroh. Heijooh i por leh da e u i kyrkhu kyrdoh yaka kur yow nang lai ko chakhmat ha ki liang waroh deiwa ong, “E wow Blai Tre Kirot u nang e u ya phi kam ka kur dei chait i khiah wei yow man leh kani ka Fete kawa lai bait hadooh wa dep i thmu ka kur.”
Heiyatoh waka Fete ka kur, daw pynman ha ka 23 waka 24 tatik u Duiyatra (Jan), 2024 ha Marian Hill Playground, Jowai wei ya ki Ticket Lucky Draw u pynkhle haka 24 tarik kawa man ka sngi wow pynkut yaka Fete.
Ki khusnaam namo ki Prize yong ka khle nasib man ki kamni:
First Prize- Rs. 1,00,000
Second Prize- Rs. 50,000
Third Prize- Rs. 30,000
Wa 5 tylli ki Consolation Prize kiwa mar Rs. 2,000 kawi.
I dor Ticket man i Rs. 30 chi sla.
Discussion about this post