Ka Seiñkur Bahkhla ha ka 30 tarik uni u bnai da yoh ko wow pynlait paidbah ya ka Calendar ka seiñkur kamwa da jooh leh man-u-snem.
Ya ka yalang da pynlai da u Leningstar Rymbai uwa man u President ka Seiñkur Bahkhla.
Da sdang ya ka yalang dei yahkhmat u General Secretary, u Joinly Ksoo, wei da yoh leh yei klam tbian na u Tyrnin Pdein uwa man u President warim ka Seiñkur Bahkhla uwa da batai yei thmu ka seiñkur wa dei em ka Calendar Seiñkur daw wanrah yei pyntipmit ya ki khon yong ka kur wow tip ki yei mankur manjait hapoh ka Bahkhla neibhah da thoh ya ki jait kur waroh hadooh kamwa 16 tylli ki jait kur hapoh ka Seiñkur Bahkhla.
Khadooh khadwai da yoh yei klam na u kongsan, u Pyllumlang Ksoo uwa da kyntu ya kiwa yahkhmat wow man kiwa yaineh wow maya yei kaam, neibhah wow yahkhmat ya kiwon kiwon ymtoh iwa suk khamtam ya ka kur Bahkla kawa em chiboon ki jait kur.
Da kitbok kitrwiang u leh ya kur hi waroh neibynta u snem thymme wow wan yow man ko i kyrkhu ha ki liang waroh.
Kiwon kiwon ki kur kiwa kwah ya kani ka Calendar ye phi wow Phone ha u General Secretary-8787884815.
Discussion about this post