Ka Synjuk Waheh Chnong Ri Jaiñtia ha ka 9 tarik uni u bnai da pynlait paidbah ko ya ki Ticket Lucky Draw yong ha ka yalang wa da pynman ha yung krehkaam ka synjuk wa em ha Mihmyntdu.
Kini ki Ticket toh kiwa daw pynkhle ha ka 09-12-23 kam chibynta ka Fete kawa daw pynman ha madan Wahriong Lumpyrtuh Mihmyntdu.
I thmu ka synjuk toh yow pynmih poisa yoh thied thaw yow chna ya ka yung krehkaam yong ka hi ka wow man leh kamjooh ka Conference Hall.
Kamtæ da booh yei kyrpaad ya ki khon ka Ri Jaiñtia ha waroh ar tylli ki District East wa West Jaiñtia Hills wow sñiawbha phi u thied ya kini ki Ticket Lucky Draw kamjooh ya ki waheh chnong, kiwa chong chnong kamjooh ki paralok na jan wa na jngai ka Bri u Ynñiaw Trep wa kiwa na baar jylla.
Kam chibynta kani ka Fete daw em lah ka yaaw yadaw masi haka jooh ka sngi ha madan yadaw masi wa em ha sarok Bypass ha Mihmyntdu kawa daw sdang nadooh i por step, kamtæ da kyntu leh ya ki seiñ pynyadaw masi wow wan ya chimbynta deilang wa kiwi kiwi ki seiñ.
Ka synjuk khut maya ko ya phi cha kani ka Fete yong ka wa du chi sngi donhi ka wym ktah ya ki kaam ki jaam yong phi. Dei mynsien wa khia da kyrpaad jur ya ki dong ki chnong hapoh ka Ri Jaiñtia wow sñiawbha phi u pynlait ya ka 9 tarik u Kmaichonglad (Dec) 2023 wow pynman Fete yow lait u ya tyngkhooh waka sngi Fete khang wa ka synjuk kawa dang khian bha yow ye ko wow pyndep yei kaam wei kam ka synjuk toh kawa pait ya waroh i eh hapoh ka Ri Jaiñtia yow ye ka synjuk leh u chakri u yarap sñiawbha dei wym i sñiaw yaphær wa kiwa em ha sor wa cha palatsor deiwa em i yatylli.
Da kyrpaad leh ya kiwa mihkhmat paidbah nadooh ki MDC, MLA wa kiwa yahkhmat seiñbhalang waphær waphær hapoh ka Ri Jaiñtia wow yatylli ki.
Ki Prize kani ka Lucky Draw man ko kamni ha wah:
1st Prize- Rs. 1,00,000
2nd Prize- Rs. 50,000
3rd Prize- Rs. 30,000
I dor man i Rs. 20 chi sla.
Discussion about this post