Ka KSU lyngba ka Employment Monitoring Cell, ynne i step ka lai booh dorkhat ko ha u Chairman wa Secretary ka MPSC hajrong i kynrum kynram kiwa mih ha kini ki kajiak sngi hajrong ki Exam wa da pynman neibynta ka MCS, MPS wa Statistical Officer.
Neiliang ka seiñ ym em sñiaw yahaap ko leh yei pynche ka MPSC kiwa da mih khubor.
Kamtæ da dawa na ka MPSC wow pynlait paidbah ya ki Marks yong waroh kiwa yaleh ya ka MCS (Prelims) khnang wa kiwa yaleh Exam u che ki hajrong i chah jied wei chah kyntait neibynta wow yaleh sa ka Mains Exam.
Ka seiñ da dawa ko leh wow thung da ka “Independent Inquiry” hawa yatoh wa ini i bynta.
Da dawa leh wow pynche yei duna kiwa chah jied ha ka Personal Interview yong ka MPS neibhah katkam ka Advertisement ka MPSC toh u mam ka bhah 1:10 hadooh 1:2.5 na ki kreh wa lait.
Ya ki kreh wa 17 tylli wa pynbna ha u 2019, wei da duna bha i jied ya kiwa yaleh Personal Interview kiwa datoh u em 42-43 ngut, tangwa da jied du 27 ngut wei ini da tyngkheiñ ko ya ki kyndon ka MPSC wa da booh ko. Kamtæ da ong wa cheiwon wiar kitæ ki 15-16 ngut ki wym em mih pyrtuid neibynta ka Personal Interview.
Heiyatoh won wa ka Result yong i kreh Statistical Officer, A.H. Veterinary heiwa da em ar ngut kiwa chah jied kiwa mar uwi na ka Khasi-Jaiñtia Category wa na ka Garo Category tangwa hawa pynbna kreh da ong wa em du iwi i kreh wa lait neibynta ki Khasi-Jaiñtia, ka seiñ da dawa ko wow pynche yeini waroh hapoh 48 kynta lym kamtæ daw chim da ka luti yong ka hi.
Puræ leh: Pdiang ka MPSC wa em i bakla ha ki Answer Key ka Exam MCS
Discussion about this post