U Archbishop Victor Lyngdoh, DD ynnin ka sngi da pynlait paidbah u ya ka kot kawa da e pyrtuid ha i ktien Latin ‘Patris Corde’ iwa mut “Da u dohnood yong u pa” kawa man ka Chithi Chare yong u Pope Francis ha ka lyngkhooh 150 snem wa pynbna ya u Joseph Wakhooid kam uwa yada ya ka Balang Salonsar.
Kani ka kot toh kawa pynkylla ktien wei da pynmih ya ka da Ka Synjuk ki Seng Rangbah ka Jyllaniam Bah Shillong hei emlang u Rev. Fr. Pius Shadap uwa man u Spiritual Director ka Synjuk, u Rev. Fr. Teiborlang Lyngdoh u Administrator ka Jyllaniam Bah Shillong, u Rev. Fr. Breson Paul Ranee u Spiritual Director ka Seng Rangbah Jyllaniam Bah Shillong Zone-II, u Richard Kahit u President ka Synjuk, u Micky Lyngdoh u Secretary ka Synjuk wa kiwi kiwi.
Ya ka yalang da pynlai da u Vincent Kharmalki wei da yoh ya i klam na u Archbishop, u Rev. Fr. Pius Shadap, u Richard Kahit.
U Archbishop da yaroh u ya ki Rangbah kiwa da pynmih ya kani ka kot, wei da ong u wa kani ka kot daw yarap ko ya ki manbei, manpa wa ki khynroo khyllood wow bood ta ka nongmuna u Joseph Wakhooid.
Da kyntu joor u wa ha uni u snem yong u Joseph Wakhooid, waroh toh u yaleh chitom ki wow puræ wei wow leh yeiwa sikai iwa em ha kani ka kot.
Ya ka yalang da pynkut da ki kyntien khublei na u Secretary ka Synjuk.
