U MDC ka Jowai Central, u Awhai Andrew Shullai ynnin i janmiet ka 23 tarik da pynlait paidbah u ya i Music Video i sur yong ka phlim ‘Wym em dor’ ha YouTube ha ka yalang wa man ha Yungwalieh ka Dorbar Chnong Panaliar, Jowai.
Neiliang u Andrew hawa e yei klam da yaroh u ya kini ki khynroo wa da pynmih ki ya ini i Video deiwa kitbok ya ka Skemjingmut Production wow tia ko chaphrang ha ki kaam yong ka hapoh i yahkhmat u Rinuwa Shylla u Director yong kani ka dhab.
Ha ka yalang wa pynlait ya i sur da emlang leh u General Secretary ka Dorbar Chnong, u Careme Phawa.
U Careme Phawa hawa e yei klam da e mynsien u ya ka dhab wow lai ki chaphrang wow ye chooh ki u pynmih ya ki ‘Short Film’.
Neiliang u Rinuwa Shylla da ong u wa oo deilang wa ki lok yong oo angnood ki wa lyngba kani ka YouTube Channel i myntoi ym lai i du ya oo wa ki lok tangwa thrang mynsien ki wow lai e yarap cha ki khynnah kiwa em ha ki thaw wa ri khynnah.
Ya ini i Music Video ini i sur ‘Wym em dor’ da pynwandur (Direct) da u Rinuwa Shylla uwa man leh u Director yong kani ka phlim kawa daw pynlait ha u YouTube Channel ya kawa pyrtuid ‘Wym em dor’.
