U Ardent Miller Basaiawmoit ynne ka sngi da pynlait paidbah u ya ka kot lakdop yong ka ‘Revolution’ kawa e pyrtuid ‘Iada la ka Ri’ wow pynche paidbah kam ka dak wow pynkhlan ya ka jaitbru.
U Ardent da pyntip u wa ha kani ka kot lakdop em 10 tylli ki mat kiwa hakhmat neibynta wow pynkhlan ya ka jaitbru, wa kynthup wow pynkhlan ya ki manyung, i pynkhlan lyngba ka chnong ya ka imlang sahlang, i yaleh wow wanrah ya i yatylli wow yaleh pyrchah ya i baam-tooh, i pynsñiawthooh yei emkaam ka Inner Line Permit (ILP), wow pynkhai-im biang ya i burom akor Khasi, wow pynkynmoo ya i kaamram wow lehkhooid, wow kreh chitom, i maa na i tih ya u Uranium wei i emkaam wow kyruiñ cha u Blai.
Neiliang u Ardent uwa man u Convener yong ka Revolution, da ong u wa dang em chiboon wow pyndep wei pdiang sñiawbha ya ki yumut wa chongnia hajrong ini i thmu, wei da khut u leh ya ki paidbah kiwa kwah wow chimbynta ha ka ‘Revolution’.
