U Montri Rangbah ka jylla, u Conrad K Sangma, ynnin ka sngi da pynlait u ya ka kot wa da thoh da u Archbishop Emeritus ka Guwahati, u Thomas Menamparampil, SDB ha ka yalang wa pynman ha Bianchi Hall, Mary Help of Christians Cathedral, Shillong deiwa ya emlang u Archbishop ka Shillong, u Victor Lyngdoh, u Dr. David Syiemlieh, Chairman warim ka UPSC wa u Rev. W C Khongwir, Moderator warim ka PCI.
Hawa klam ha ka yalang pynlait kot, u Conrad da ong u wa kani ka kot da sikai ko yei emkaam i rukom im ha ki khynroo iwa daw pynmyntoi ya ka yung ka sem, ka imlang sahlang wa ha kiwi de ki bynta wei lada ym em ki yurim wa bha ym em yumut wow lai chakhmat kamtæ da yooluti u wa kani ka kot daw yarap ko ya waroh kiwa puræ ka.
Kani ka kot wa e pyrtuid ‘Values Must Come Alive’ toh kawa yahluti ya ki khynroo ha kini ki por kammon wow pyrkhat wei wow jied ya ka luti wa biang.
U Thomas Menamparampil toh u Archbishop wa da chong-ngiah ka Guwahati. Da dep man u kam u Bishop ka Dibrugarh 11 snem wa u Archbishop ka Guwahati 20 snem chwa wow chong-ngiah u. Da dep yoh u leh ya ka ‘Ambassador of Peace’ Award ha u 2019 da ka International Human Rights Council. Da tyrwa leh yei pyrtuid u yow yoh ya ka Nobel Peace Prize ha u 2011.
