U Deputy Commissioner ka East Jaiñtia Hills da pynmih hukum u ynne ka sngi wow pyndam ya ki kyndon kdooh u khoom neibynta ki ar sngi kitæ ha ka 11-05-21 wa ha ka 14-05-21 hapoh ka District.
Ha kini ki ar sngi, 50% na ki dukan wa dai ya ki mar wa emkaam daw wai ki haka ka sngi nyngkong katwa kiwa sah ki 50% u wai ki haka sngi wa ar nadooh 8:00 waje i step hadooh 3:00 waje i sngi deiwa bood ya kini ha wah:
Ha thaaiñ Khliehriat/Umpleng
50% na ki dukan wa dai ya ki mar wa emkaam u wai ki deiwa booh da ka pali ha ki sngi wa chah u wai iwa daw pynbait da ki Dorbar Chnong wa ki Market Committee.
Ha thaaiñ Ladrymbai
-Du ha Ladrymbai Dongwah wa Ladrymbai B u wai ki ha ka 11-05-2021.
-Du ha Ladrymbai Khliehdupon wa Ladrymbai Datsimpien u wai ki ha ka 14-05-21.
Ha kini ki sngi du 50% ki dukan wa dai ya ki mar wa emkaam u wai ki deiwa booh jar jiar ka palai iwa daw pynbait da ki Dorbar Chnong wa ki Market Committee.
Ha thaaiñ Sookilo, Umkiang, Jalapher wa Nongjri
Waroh ki dukan u man ki kiwa khang hadooh wa pynmih hukum da kamwi.
Kiwi won ki kyndon neibynta waroh ka District
Chah hi yei lai ki kari kiwa lai luti cha Assam/Tripura/Manipur/Mizoram. Tangwa i lai i wan hapoh ka District u chah du neibynta ki kaam wa yatoh wa i chait i khiah, ki kaam wym hoi u dam wa i lai e tika.
Ki yung krehkaam sorkar hapoh ka District u pynman deiwa pynduna ya ki bru wakreh kiwa ym toh u em palat 30% ki Group B, Group C wa Group D.
Ki kaam chna yung wa em ki wakreh pyn hei thaw chna ye ki wow pteiñ yei kaam khlem da wanrah bru na kiwi ki thaw.
Ki Bank, ki Post Office u wai ki deiwa pynduna bru wakreh.
Du kiwa yoh bor wow leh ya ka Home Delivery, kiwa li booh ya ki mar wa emkaam u chah wow leh ki yei kaam deiwa bood thij ya ki kyndon.
Ki Dhaba/ki dukan ja/dukan cha wa em charood sarok u chah u leh ki du ya ka Take Away Service namo deiwa rah yei baam cha yung ym toh deiwa chong baam hapoh dukan.
Ki dukan Hardware, Electrical u wai ki katkam wa pynbait da ki jar jiar ki Dorbar Chnong.
Ki wym bood ya i kyndon daw ye u chah khang i dukan ki.
