Shillong: U montri ka chnat i chait i khiah ka jylla, u AL Hek ynne da pynlait paidbah u ya i Hand Sanitizer wa da chna hi hapoh jylla ha Directorate of Health Services (Research), Pasteur Institute, Lawmali, Shillong.
Ha kani ka sngi da emlang leh ka Secretary to the Government of Meghalaya, Health and Family Welfare Department, ka MN Nampui, Directorate of Health Services (R) and Medical Superintendent, Ganesh Das MCH Hospital, Dr. N. Wanswett, Director of Health Services (MI), Dr. A. Warr wa kiwi kiwi.
U Hek hawa e yei klam da ong u wa ini man i iwa kongsan tam wa da leh ka chnat kam chibynta wow yada ya ki paidbah ka jylla deiwa pynrap leh wa ka Pasteur Institute daw yarap ko wow pynkylla ya ka jylla mynried mankawi.
Ka Directorate of Health Services (Research) da sdang ko wow booh ya iwi i thaw namo ka Manufacturing Unit ha Pasteur Institute, Shillong wow chna pyndap yeiwa emkaam ki paidbah wei da kreh ko leh katkam ki kyndon wa da booh da ka WHO heiyatoh wa i chna ya ki Hand Sanitizers.
Ha kani ka sngi u Hek da saam u leh ya kini ki Hand Sanitizers cha kiwa pathai khubor kiwa em ha kani ka sngi wei da lai pait u leh ya ka yung ha Ganesh Das MCH Hospital ya kawa da pynkylla kam ka Isolation Ward.
Discussion about this post