Ha ka 7 tarik uni u bnai, u Lasky Rymbai uwa man leh u Deputy CEM ka JHADC, da pyblait paidbah u ya ki Ticket khle nasib namo ka Lucky Draw wa da pynkhreh da ka Dong Khliehtyrpait Klop, Wapung Chnong ha ka yalang wa pynman ha madan Klop Khliehtyrpait, dei sakhilang ki manbei deilang kiwa chong chnong chynrang wa kynthai.
Ya kani ka yalang wa tbian da pynlai da u Wolmi Dkhar uwa man leh u Chairman ka Dong Khliehtyrpait.
Ha kani ka yalang da emlang leh u Secretary Chnong, Wapung Chnong, u Jointly Dkhar, u Assistant Secretary Chnong, Wapung Chnong, u Present Dkhar, u Secretary VEC Wapung Chnong, u K. Dkhar wa ki dkhot ka Executive Body yong ka Dong.
U Lasky Rymbai kam u kongsan da kitbok kitrwiang wei kyrkhu kyrdoh u yow man kani ka kaam kawa yoh nong yoh ni neibynta wow lai bait lai ryntih ki kaam Dong.
Ka tarik wow pynkhle ya ki Ticket ka Lucky Draw u man ko ha ka 18-01-25 ha madan Dong Khliehtyrpait.
Ki Prize yong kani ka Lucky Draw man ki kamni ha wah:
1st Prize- Rs. 50,000
2nd Prize- Rs. 20,000
3rd Prize- Rs. 10,000
I dor ki Ticket chi sla man ko Rs. 20, chi book won Rs 200.
I thmu yong kani ka Fete ka wow pynman leh ya kani ka khle nasib toh neibynta u chna yung Club yong ka Dong Khliehtyrpait kawa dang sahteiñ hadooh katni, katwa kamtæ dei mynsien sñiawngooh wei burom da kyrpaad ya ki lok ki jor najan wa najngai wow sñiawbha phi u ya kyrchaan lang ya ka Dong deiwa thied ya ki Ticket kani ka Lucky Draw.
Ya ki Ticket ye u yoh leh deiwa Phone ha kini ki Number: 8787538031, 8413897668, 6909511830.
Discussion about this post