Kat dang mih ki sngi i em ki mrad khloo dang duna ki na kiwa boon ki kaam wa leh ki bru wa kiwi kiwi tangwa ha kani ka kynti ha ka 20 tarik uni u bnai uwi u manpa wa pyrtuid u Shanlangmi Sungoh wa chong wa sah ha Shangpung, Khliehrangnah da yoh u wow pynlait im ya uwi u Tyrpid (Monitor Lizard).
Uni u Tyrpid da wan psiah u syndet syndet cha yung uni u manpa heipor kamwa 3:00 waje i sngi iwa da pynkhyrngiat wei da pyntieñ leh neibhah wa da emlang ki khynnah hapoh yung boi ya chah dait ki tangwa uni u manpa da ye u wow kem noh ya uni u Tyrpid.
Kamtæ da Phone u cha u Sajeki Passah uwa da pyntip cha ki sahep Wildlife wei pyn ha i miet kani ka sngi da wan chimkti noh ya uni u mrad.
Neiliang ki sahep kani ka chnat da yaroh ki ya uni u manpa wei da kyntu ki ya kiwi tawon wow bood ki ya kam ini i luti khnang wow ye u yada ya ki mrad khloo deiwa khlem tynyap ya ki mrad.
Discussion about this post