Ka seiñ HITO da thoh ko cha u Montri Rangbah ka Meghalaya wow dawa pyndam ya waroh ki tamasa wa pynman da ka sorkar na ki por cha ki por ki wym toh kiwa yoh nong kiwa pynlutphut donhi.
Ka seiñ da ong ko wa ini waroh toh neibynta i bha i miat ka jylla waroh kawi neidaw leh wa dang em ka khlam, ki bru wa lai cha ki tamasa ym bood ki ya ki kyndon kamwa da yooluti wei na ini i daw ym toh wow pynman ya kini ki jait tamasa ki wym toh kiwa emkaam.
Heijooh i por da ong wa ki tamasa wa yoh myntoi wei wa yoh nong ki paidbah hap wow pyrkhat ya ki.
Ka HITO da ong ko wa ha kini ki por tlang wa kiwi ki por ka sorkar MDA toh u kyruiñ ko cha ka tulop wa dang sah kiwa sikai skur wei wow yaleh katwa ye yow pynlait ya ka poisa.
Kamtæ da kyrpaad ya ka sorkar wow chimkhia ko ya ini dei wym toh u mylliñ ya kiwa sikai skur yong i, neibha kiwa mihkhmat paidbah leh toh kiwa da chah sikai ha ki kamjooh kiwa sikai pynwan dur ki ya ki khynnah skur deiwa e yei chakri wa paka.
