Pynman Blood Donation Camp ka JSU ha Mookaiaw

Jowai : Ka JSU Mukhan Unit kam chibynta wow e i chakri cha ki paidbah ynne ka 30 tarik deilang wa ka Jingiaseng Samla Presbyterian Mukhap hei krehlang wa ka Blood Bank, Jowai wa ka MACS da pynman ki ya ka “Awareness and Blood Donation Camp” ha Iawmuksow, Mookaiaw.

Hachwa u sdang e snaam mon sniawbha ki paidbah da em chwa ka yalang wow pynche cha ki paidbah yei emkaam u e snaam.

U Dr S.S. Nongbri uwa pyllai ya ka Blood Bank, Jowai da pynche u ya kiwa boonjait ki rukom e snaam kam kiwa wan e mynkna (Voluntary Donor), kiwa wan e snaam kylliang neibynta kiwa hayung hasem kiwa da yoh snaam na kani ka Blood Bank (replacement blood donor), kiwa e snaam dei dai yei snaam yong ki (Paid/Professional Donor) weiwa ya ini i rukom e snaam da khang nadooh u snem 1998.

Ki kyndon wa emkaam dooh u biang kiwa wan e snaam toh u em ki 18 snem hadoooh 65 snem, kiwa khia palat 45 kilo, ka Blood Pressure wa biang, ka Hemoglobin kawa ym duna ya 12.5 g/dL.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Uwi pa uwi u bru ye u e snaam man ka le bnai hadooh 350 ml chisien e khlem chah ktah i chait i khiah yong ki.

I daw wa kongsan dooh u e snaam toh ya i snaam ym ye u chna da ki stat sayan neitæ i daw ladym em kiwa wan chakhmat wow e snaam daw booh ko i maa wa khroo bha ya ki bru wa chitom kiwa emkaam snaam hakdak hadooh wa ye ki u dooh yei mynsien yong ki.

U ma Rikut Parein, President JSU da kyntu u ya ki paibah wa wym hoi u tieñ ki u e snaam neibhah hachwa wow e snaam ki doctor daw leh ki ya ki test yow pyntikna wa i snaam man i, iwi biang wow chim.

Da ong u leh wa manda e snaam ym ktah ko yei chait i khiah kiwa e. Hejooh i por da ong wa ka Blood Bank lada ym em kiwa wan e snaam ka Blood Bank daw man ko ka wa sepai.

U kongsan ha kani ka sngi u na P. Shullai, Asst. Engineer Laskein C&R Block da yaroh u ya kiwa pynman ya kani ka Blood Donation Camp ka wa man wa emkaam dooh.

Da yaroh u leh ya ki dkhot ka JSU wa kiwi kiwi ki wa tia cha khmat wo e snaam.

Waroh ki wa wan e snaam da em 15 sngut wa kynthup ya 2 ngut ki kynthai.

Da chim leh yei pyrtuid wa duna 30 ngut ki bru ki wa ye u phone heiwon heiwon i por kiwa da pynkhrwh u e snaam.

Da pyndep yei chim snaam da ka Dr. P. Shylla wa ki Staff Nurse ka Blood Bank, Jowai.