Jowai: Ka JSU Central Body wa ka JSU Jowai Circle hapoh i yahkhmat u General Secretary ka seiñbei u J. Shylla hei emlang u President ka Circle u N. Jordan wa u General Secretary ka Circle u A. Lamare da pynman ki ya ka Cleaning Drive ha Syntu Ksiar ynne ka sngi.
Ka DSP na West Jaiñtia Hills ka C. Lyngdoh da man ko kam ka kongsan heiwa da kyntu ko ya waroh ki bru u man ki kiwa leh khooid khamtam u thooh ki laad wow yada ya ka wah Myntdu kawa man kawa e um ya waroh ka chong Jowai. Da kyntu ko leh ya kiwa wan baamdoh u man ki kiwa leh khooid wei ymhoi u noh yei jhep kat cha wa yoh.
U General Secretary ka seiñ hei klam yong oo da ong u wa toh u man i ki bru wa leh khooid wei u sdang i na yung wei da kyntu u ya kiwi ki seiñ wow bood ki ya ka jooh ka nongmuna.
Ka sieñ da kyntu joor ko ya waroh ki bru wa wan cha Syntu Ksiar wa ym hoi u noh taroi khamtam ki klong ki bilor neibhah boon wa piah iwa da booh yei maa pyn ya i hi, kiwon kiwon kiwa wan wow sñiawbha ki u ya krehlang khnang u yoh u neh i khooid ka wah Myntdu.
Ha kani ka sngi da emlang leh u H. Pariat uwa e buit ka seiñ wa u General Secretary ka Khliehriat Circle u E. Bhoi.
Ka seiñ da leh ko waroh ini kam ka dak wow kynmoo warom ya u woh Kiang Nangbah u Khlawait ka ri chwa ka sngi dap snem wa khlaad yong oo ha ka 30 tarik uni u bnai.
Kani toh kat kam ka khubor wa phah u Publicity Secretray ka sein u T. Mukhim.
Discussion about this post