Pynman esikai ka Amlarem Sub-Division wa ka PHE hajrong i khooid i jngiar hapoh Darrang

Amlarem: Ynnin ka 4 tarik ka yungkrehkaam yong ka SDO Amlarem Civil Sub-Division, ka tnat yong ka PHE West Jaiñtia deilang wa ka Darrang Tourism Promotion & Development Society (DTPDS) da pynman ki da ka yalang pynsñiawthooh paidbah hajrong ka phang Solid, Liquid and Waste Management ha ka chnong Darrang.

Ya ka yalang da pyllai da u Reachingson Kongwang uwa man kam u Chairman ka DTPDS uwa da e khublei ya ki sahep sorkar kiwa da wanrah ya kam kani ka laad ya kiwa chong chnong ka Darrang neibhah ka leh da man ko kam sa kawi ka thaw lai uiñke suwari ha West Jaiñtia Hills.

Da yoh yei klam maitphang na u Secretary Chnong u Benedick Ryngksai uwa pynsñiaw yei sñiawkmen neiliang ka chnong ya ki bor sorkar wa pyllait khnang ki yei por yong ki wow wan cha ka chnong yow yoh myntoi u paidbah.

Ka I. Laloo, SDO Amlarem Sub-division da klam ko chaphang i thmu kani ka yalang deiwa ong wa da slem kwah ko u pynman ya kam kani ka yalang pynsñiawthooh paidbah yow sñiawthooh yei emkaam wow pynman ya ka chnong ka thaw wa khooid wa jngiar kawa tip leh kam ka “Zero Waste Area” iwa daw pynpawnaam ya kani ka chnong.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U SDO ka tnat PHE u Toi da e u ya ka sikai hajrong kani ka phang heiwa kammon u man kiwa leh khooid wei emkaam u sdang ko nadooh na yung.

Da pyntip u leh wa ym slem de ka tnat u yarap ko ya ka DTPDS wow chna ya ki thaw nohjhep kawa jngai na ka chnong wei daw saam leh ya ki thaw pyllang jhep kiwa daw pynemkaam wow yabhah ya i jhep hapyrdi kiwa daw pyut wa ki wym pyut nadooh na yung na sem ki bru. Kamtæ da kyntu ya ki paidbah wow man ki kiwa lehkhooid wei u sdang u leh ya ini pyn na katni hi.

Ki paidbah wa chong chnong wa ka DTPDS da pynsñiaw ki yei sñiawngooh yong ki ya waroh ki tnat sorkar khamtam ya ka I. Laloo waka tnat PHE.