Pynman esikai ka Presbytery Khynroo yong ka Nangbah Nongjngi Hadem chaphang i chait i khiah

Jowai: Ka Presbytery Khynroo yong ka Nangbah Nongjngi Hadem da pynman ko ya ka esikai haka 5 tarik uni u bnai hajrong ka phang “Cleanliness And Health & Nutrition And Food Habits” lyngba ka Socio- Economic Life Development Committee.

Ha kani ka esikai kiwa wan yachim bynta da em ki 87 ngut naki seiñ khynroo wa em hapoh u pood u ang ka Presbytery.

Ha katai ka esikai da wan u Dr. Banjop Dkhar, naka Hospital Dr. Norman Tunnel Hospital, Jowai waka B.Tang, kawa man kam ka Principal ka Dr. Norman Tunnel Nursing School, Jowai kam ki Resource Person wow hikai hajrong ki phang kani ka esikai.

Ya kani ka esikai da pyllai da u Rev. K. Laloo uwa man u Chairman ka SELD Committee, ha i emlang u Secretary, Tbn. A. Wanniang waki dkhot ka Committee. Ha chwa u sdang da yoh ya i klam tbian naki katu katni ki waheh, na u Tbn. M.S. Thubru uwa man u Moderator ka Nangbah Nongjngi Hadem Presbytery, Rev. H.L. Pale kam u Senior Pastor ka Presbytery heijooh i por neiliang ka Balang Presbyterian Nangbah kawa pdiang ya kani ka training da klam da u Tbn. Y. Lamare.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Hajrong ka phang “Cleanliness And Health” da sikai da u Dr. Banjop Dkhar (Resource Person) uwa da batai yei myntoi na i leh khooid  kamjooh leh khlem i leh khooid ki bru ym yoh ki yei chait i khiah wa pura. Da ong u leh wa ya ki kjut kam ka HIV/AIDS leh da boon wa yoh ka wat ha kani ka imlang sahlang yong i ki nong Jaiñtia neidaw ka rukom im ka wym biang haka chongkha chongman kawa khlem da pyrkhat chwa wow chim ya ka rai.

Hajrong ka phang Nutrition and Food Habits da sikai daka B.Tang (Resource Person), kawa da batai che bha yaka Nutrition man ko ka Science yong ki baam kiwa i doh i pran dawa ko neibynta wow yohbor wei kitæ ki baam manki kam ka Carbohydrate, Protein, Fat wa kiwi kiwi.

Ki Vitamins wa ki minerals leh man kiwa emkaam bha wow yoh i doh i pran ki bru neibynta u ye u yada nei kjut i chitom. Da batai che ko leh chaphang i myntoi wa yoh i na ki jhoor wa ki soh wa baam i.

Hawa pynkut ya kani ka training da yoh yei klam ekhublei na u Rev. P.O. Thubru wa i duwai.