Jowai: Ia kani ka ialang pynche paidbah wada pynlai daka Hynniewtrep Youth Council HYC (HYC) Jaintia Hills District da pynman ha Iawmusiang Jwai, ha stand state transport ha chrooh Thanat
.
Ha kani ka sngi kini ki sein bhalang da pynsniaw ki i pyrchah joor ia kani ka ordinance deiwa ong wa kani ka Ordinance toh katae ka ain ka wow pyntlot bor iaki dorbar chnong ki rangbah chnong kamjooh ka wow ktah yei rukom shynchar kat kam ka riti dustur iong ka jaitbru khasi pnar. I thmu iong wa pynman ia kani ka ialang pynche toh yow ioh i kyrchan lang naki paidbah nei bynta u im ka jaitbru khasi pnar.
U General Secretary HYC central body, u Robert K. Jarin ong u wa ka sorkar kawa katni hapoh i iahkhmat u Mukul Sangma da chim kabu ko yei wom hoi kaam ki MDC deiwa wa wanrah ko iaka ordinance kawa man ka ain ka wow lehbor thombor ia ki tre ri tre muluk, neibhah i rukom synchar da ki Ryngbah chnong ki Doloi ki Syiem toh i rukom shynchar wada sikai da u waheh wasian nachwa, kat u yoo kani ka sorkar wa katni ialeh ko u pyndooh ia waroh ki rukom synchar tynre wada sikai da u waheh nadooh tynde.
“Ki nongmihkhmat kiwa u paidbah da jied ki nei bynta u e ki i chakri iaki paitbah, kamjooh u pait ki yei eh i kho ki paidbah kat u yoo hadien wa ki paidbah da pynjop ki iaki ym ioh por de ki u pait yei jingeh ki paidbah thooh lad thooh luti pathan ki nei bynta u myntoi samen”. Ong u Robert K.Jarin
Ia ka ialang ha kani ka sngi da pyllai da u President HYC Jaintia Hills District u Dameki Paswet, heiwa kiwi tawan ki nongiahkhmat ki sein waphaer waphaer da e ki yei klam kam u President HYC central body u Peter J Lawai, u President ka MPUF Central Body Dapoiwanmi Laloo, u General Secretary EJNC u Sambormi Lyngdoh, u President NWYF Pynbiang Rymbai wa u President JNV Phalmon Sari.
Discussion about this post