Ka seiñ ABVP Shillong Unit da lehkmen ko ya ka i dap 74 snem yong ka seiñ deiwa pynman ya ka Mini Marathon hapoh sor Shillong ynnin ka 9 tarik.
Ya kani ka 9 tarik da jooh lehwarom leh kam ka National Student’s Day namo ka sngi ki khynnah puræ ha waroh ka ri India.
Ha kani ka Mini Marathon da wan chimbynta kamwa 240 ngut kiwa em nadooh i rta 14 hadooh 30 snem.
Da pynman leh ya ka yalang heiwa da emlang ka State Secretary ka ABVP ka Nibiang Sumer, NEC Member u Ailad Sumer, Shillong Town President ka Sentina Mawlong, Shillong Town Vice President u Aatanu Bhattacharjee, Shillong Town Organising Secretary u Harsh Ranjan wa kiwi kiwa kitkaam ka ABVP na ki Unit waphær waphær.
Ha ka yalang da saam ya ka song poisa kamjooh ki Certificate wa ki Memento cha waroh kiwa jop ha ki kyrdan waphær waphær yong ka Marathon.
Kiwa jop ha ka kyrdan ki chynrang:
1st-Wolbetstar Ramsiej na ka Mawkyrwat Syiem Sngap College
2nd– Iwelljohn Ramsiej na ka Mawkyrwat Syiem Sngap College.
3rd– Golstarwell Lyngkhin na ka Sankardev College.
Kiwa jop ha ka kyrdan ki kynthai:
1st– Lynti Jingkyrmen K Jahrin na ka Mawkyrwat Ten Set Secondary School.
2nd– Marqueenless Ramsiej na ka Mawkyrwat Syiem Sngap College.
3rd– Sonia Tamang na ka Lady Keane College Shillong.
