Pynman ka AHPUF ya ka yakob rwai tynre wa le ha Iawmusiang

Jowai: Ka seiñ All Hynñiewtrep People United Front (AHPUF) kam chibynta wow pynchlur ya ki khyroo khyllood wow maya ya ki rwai tynre kamjooh leh wow e ya ki ya ka rynsaan wow pynyoo yei sap yong ki da pynman ko ya ka yakob rwai tynre wa le kawa tip leh kam ka Season 3– Traditional Song Singing Competition, ha ka Stand MTC, Iawmusiang, Jowai.

Ya kani ka yakob da yabhah ha ki ar bynta kitæ toh ka rwai yonglang (Group Song) wa ka rwai samen (Solo).

Ha ka rwai yonglang da em 4 tylli ki dhab wa wan chimbynta katwa ha ka rwai samen won da em 20 ngut kiwa rwai wa wan chimbynta.

Kiwa chimbynta da wanlang ki wa i riam tynre, ki tiar tem tynre wei da rwai ki ya ki sur maya ri kiwa chna pyn da ki hi wei em leh kiwa rwai da ki yong kiwi wa ki rwai warim wa jah.

Related posts

Saam ka Kur Soo Kpoh Khadar Wyrnai ya ka song poisa cha kiwa pam Lucky Draw

May 5, 2025

Ka Result Lucky Draw ka Seng Samla Seiñ Raij Satpator

May 1, 2025

Ha ka yakob rwai yonglang da jop ki arngut chi payu kiwa da e pyrtuid ya ka dhab yong ki kam ka Sibling Group.

Ha ka rwai samen da jop u Refil Sari, wa ar da yoh u D. Augustin Paleiñ katwa yei kyrdan wa le won da jop le ngut wa kynthup ya u Tibarous, u Wasanlan Dame Patwet wa ka Nidawan Papeng.

Da saam leh ya ki Consolation Prize heiwa kiwa da yoh ka Dakapaia Suting wa u Joedickinson Siangshai.