Shillong: Ka All India Football Federation deiwa ya krehlang waka Meghalaya Football Association da dep pynman ki yaka AFC B Licence (Module 1) Course ha Shillong heiwa da chimbynta 24 ngut ki Coach.
Ha kani ka e esikai da pyndep yaka Theory wa Practical kawa sdang nadooh ka 12 tarik uni u bnai wei da pynkut ynnin ka sngi kawa da e sikai da u Mariano Dias uwa jooh man kam u Professional Footballer kamjooh u Coach da boon snem.
7 ngut naki 24 ngut ki Coach toh kiwa na Meghalaya, katwa kiwi da wan ki na kiwi ki jylla ka thaaiñ mihsngi wa kiwi ki jylla ka ri.
Hawa kut kani ka e siakai da em ka yalang wa tbian kawa da emlang u Meghalaya Football Association CEO u Arki Nongrum, MFA Treasurer u Wanshan Kharkrang wa u All India Football Federation Development Officer u Andrew Suting.
Waroh le da pynsñiaw ki yei kyrmen deiwa ong wa ki Coach da yoh ki ya ki sikai wa biang wei da yooluti ki wa daw wan chimbynta ki haka bynta wa ar kani ka esikai kawa daw pynman ha uni u snem hi.
Neiliang u Dias da e khublei u yaka MFA wa pynman ko ya kani ka esikai wei da e khublei u leh ya kiwa kreh ka MFA ya i yarap wa e ki.
Ki Coache wa chimbynta: Monika Bisht (Uttarakhand), Syed Ali Akbar Abidi (Telangana), Samson Ramengmawia (Mizoram), Shaik Khaleel Rehman (Telangana), Kitkuparlang Kharshiing (Meghalaya), Ritu Chauhan (New Delhi), Dapmon Tariang (Meghalaya), Seibor Sana (Meghalaya), Ravindar Mohan Bisht (New Delhi), Iaikyntiewlang Nongkynrih (Meghalaya), Playerson Jitem Syiemlieh (Meghalaya), Rocky Ramching (Arunachal Pradesh), Arkibor Mylliem Umlong (Meghalaya), Rohming Thanga (Arunachal Pradesh), Victor Lalbiakmawia (Mizoram), Ravi Kajania (Maharashtra), Khiangte Lalrindika (Mizoram), Rickspringfield Nongdhar (Meghalaya), Sandip Nandy (West Bengal), Sangey Tsering (Arunachal Pradesh), B Malsawmzuala (Mizoram), Khrielievi O Tsumvu (Nagaland), Subhasish Roy Chowdhury (West Bengal), Vumkhankhual Tonsing (Manipur)
Discussion about this post