Shillong: Ka Meghalaya Football Association da embynta lang ko hei wow pynman yaka All India Football Federation North East Grassroots Instructors Course wa pynman ha Jawaharlal Nehru Sports Complex, Polo Ground, Shillong.
Kani ka e sikai ya kiwa sikai yalehbol ya ki khynnah da sdang ko nadooh ka 27 tarik u Naiynru wei da kut ko haka 2 tarik uni u bnai. Waroh da em 14 ngut ki Coach na ki 7 tylli ki jylla ka thaaiñ North East kiwa da yoh ya ka sikai wa e da ka AIFF Head of Grassroots & Instructor ka Anju Turambekar.
Ha kini ki 6 sngi da e yaka sikai wa kyrpang ya kiwa chimbynta kiwa da jied na kiwa da dep pyndep ya ka Grassroots Leaders Courses ha kini ki bnai wa da dep wa kynthup lang ya ka wi wa pynman ha Shillong ha u Naisan.
Ki Coach wa chimbynta: Anil Tamang (Sikkim), Arpan Lepcha (Sikkim), Akash Basu (Assam), Daimalu Basumatary (Assam), Samson Ramengmawia (Mizoram), R Lalremtluanga (Mizoram), Subhir Dey (Meghalaya), Ryum T Khonglah (Meghalaya), Tapi Apa (Arunachal Pradesh), Dziesesakuo Rutsa (Nagaland), Saikhom Santa Singh (Manipur), Thoudam Joychandra Singh (Manipur), Moirangthem Gouramangi Singh (Manipur), Gyan Moyon (Manipur).
Discussion about this post