Ka seiñ All Jaiñtia Environmental & Social Welfare Society (AJESWS) da pynman ko ya i pynsñiawthooh paidbah namo ka Awareness Program hajrong ka phang wow man kiwa lehkhooid wei wow yieñ neibynta i hok yong ki.
Ya kani ka pynsñiawthooh paidbah da pynman ha Musniang Rim, East Jaiñtia Hills ha ka 17 tarik uni u bnai heiwa da wan chimbynta da ki manbei manpa wa ki paidbah na ki 7 chnong ka thaaiñ.
Da pynlai ya ka yalang da u President ka seiñ, u Jantis Dkhar wei da yoh ya ki kyntien pdiang burom na u General Secretary, u Hima Sana.
Neiliang ka bru chemphang namo ka Resource Person, ka Jhanika Siangshai kawa man leh ka President ka Mahila Congress ka East Jaiñtia Hills da batai bniah ko chaphang i lehkhooid.
Da ong ko wa i lehkhooid man iwa kongsan tam ha ki bru wei emkaam wow man kiwa lehkhooid man-ka-sngi deiwa sait-kti sait-kjat wei wow sum man i por khnang wow lait nei yabi kjut wa ha rukom.
Da kyntu ko ya ki paidbah wow husiar wei wow kiar nei nohroi ya ki jhep wa ki Plastic ha ki luti syngkieñ wa soodong sookun ka chnong.
Heijooh i por da kyntu ko ya waroh wow yieñ skem neibynta i hok yong ki khnang wow lait u chah yoobeiñ ha kiwi wei wow dawa yei hok yong ki.
Da yoh leh i klam hajrong kani ka phang na u President ka Congress Wapung Unit u Khmihbha Phawa wa na u Res Muksor uwa man u dkhot ka Society kiwa da klam hajrong i hok ki bru.
Chooh chooh da yoh yei klam na u Klemen Lamo uwa man u Finance Secretary ka seiñ, u Kitbok Biam uwa man uwa sikai skur wa na u Tbn W. Jyrwa uwa man u dkhot ka chnong Musniang Rim.
