Kam chibynta wow pynkhreh yei lehkmen Platinum Jubilee ka Balang Katholik Pamrakmai, da pynman ko ya ki jait kaam waphær waphær, heiwa ynnin ka 13 tarik ki para wa ngait ka Balang da pynman yei lai Pilgrim na chnong Pamrakmai chadooh cha Divine Mercy Retreat Centre Ladrymbai deiwa lai kjat lyngba ka chnong Pamrapaithlu, Mookhep wa Ladrymbai.
Heini i lai Pilgrim ki para wa ngait, da chimbynta nadooh ki manbei manpa, ki khynroo khyllood wa ki diah khian deiwa lai ki dei burom Blai deilang i rwai wa i duwai.
Hadien wa da poi ha Divine Mercy Retreat Centre Ladrymbai, da pynman ya ka Mass Wakhooid kamjooh ya ka Sacrament pynyasuk.
Da pynkut ya kani ka lai Pilgrim da ka kñia Mass Wakhooid heiwa u Rev. Fr. Aibor Dennis Nongbah, Parish Priest ka Ladrymbai kam uwa kñia rangbah hei emlang u Fr. Ebormitre H Lamare, Assistant Parish Priest wa u Fr. John, Assistant Director ka Divine Mercy Retreat Centre Ladrymbai heiwa da tyrwa ya ka kñia ka khriam, ka ngooh ka dem Blai wow paan yei yarap na u Blai Tre Kynrad yow kyrkhu kyrdoh ya ka Balang Pamrakmai ha kani ka por pynkreh ya ka Platinum Jubilee.
Hawa pynkut da yoh yei klam sñiawngooh na u Hilarius Siangshai, u waheh Balang ka Balang Katholik Pamrakmai.
Discussion about this post