Jowai: Da ki riam angel ki khynnah, i riam Santaclaus wa i saam swit mit cha ki paidbah, ka Balang Presbyterian Jowai ynne ka sngi da pynman ko da ka Pre-Christmas Carol hapoh i yahkhmat ka Christmas Clebration Committee wa pynman ka Jowai Christian Endeavour Society, Jowai Presbyterian Church da pynkynmoo paidbah ya ka sngikha u Jisu Khrist.
Ha chwa wow sdang ya ka Christmas Carol da yoh ya i klam na u Dolanwell Pyrbot uwa man kam u President ka ka Jowai Christian Endeavour Society, Jowai Presbyterian Church uwa da e ya kyntien e khublei Christmas ym du hapoh ka chnong Jowai kamjooh ya ka pyrthai waroh kawi wa pynbood da i ngooh blai na u Tbn. D.C. Lyngdoh
Ya kani ka uiñ Carol da sdang nadooh na khmat yungmane ka Balang Jowai wei da lai lyngba ka Loompyrdi Iongpiah, Tpep-pale, Wahnangbah, Iawmusiang, Chutwakhu wei da pynkut ya ka hei thaw wa sdang ko ha khmat ka yungmane ka Balang Jowai.
Da wan chim bynta chongchit ha kani ka Carol da ki waheh kamjooh ki khynnah hei synran ki tanghæng wa pynsawa ya ki sur Christmas wei da saam ki khynnah ya ki swit mit cha ki paidbah kiwa wan paitke chongchit ya kani ka Carol.
Ha kini ki sngi wa da dep leh da sdang boon kiwa lai uiñ Carol heipor miet yow e wyrta ya ka sngi wa kha ya u Jisu Khrist.
Discussion about this post