Pynman ka Chilliangraij yei pynsñiawthooh yow pyndooh noh yei pynemkaam Plastic

Ka Dorbar Chnong Chilliangraij chirup i yakrehlang wa ka School Managing Committee ha ka thong yong ka World Environment Day 2024 wa ong ‘Beat Plastic Pollution’, ha ka 3 tarik uni u bnai da pynman ki ya ka yalang wa kyrpang wow yaklam pynsñiawthooh ya ki khynnah skur wa kiwa chong chnong chaphang i tynjooh wa mih nei pynemkaam ya ki Plastic.

Ya kani ka yalang da wan chimbynta da ki khynnah skur ka Chilliangraij SSA UPS, Chilliangraij Govt. LPS, Loompyrdi Iongpiah UPS SSA wa ka Pohmusiang SSA UPS deilang ki manbei manpa ka Dorbar Chnong Chilliangraij.

ADVERTISEMENT

U D.H. Pde, Waheh Chnong Chilliangraij kam u chongknor yong kani ka yalang da e u ki kyntien yahkhmat hajrong ka thong yong kani ka sngi wei khana batai u leh chaphang i man i long ka ramaw wa ki soodong sookun yong ka neidaw i pynemkaam ki bru pyrthai ya ka Plastic ha ki dur ki rukom waphær iwa ye u booh hei maa ya ka pateiñ wa daw wan.

Chooh chooh da kyrsu kyntu u ya ki paidbah wow man kiwa khyrngiat yong bru neini chakhmat dei wow yait næ u dam noh u pynemkam ya ki Plastic wei wow leh ya ki kam waphær hei wow yada pynneh pynsah yei man wa yoosuk yoopyngngaad ki soodong sookun ka bei ramaw.

Related posts

Chah Suspend wei da Register Case pyrchah ya 5 ngut ki pulit ka Sohra Police Station

July 9, 2025

Ar tylli ki takma ksiar wa kawi ka takam rupa yoh ka Olivia ha ka National Arm Wrestling Championship

July 9, 2025

Ki bru stat bru chemphang kiwa da e i klam i batai heiyatoh wa ka thong yong kani ka yalang toh ka Naphisaka Ryngkhlem, District Coordinator, DSBM Grameen, EE-PHE, West Jaintia Hills, kawa da klam chaphang i chah ktah ki soodong sookun ka ramaw neidaw yong ka Plastic Pollution, Air Pollution, Soil Pollution wa ka Water Pollution.

Neiliang won u Wanphrang Pyngrope, Surveyor Water Resource Department, West Jaiñtia Hills District da klam da batai u chaphang ka Rain Water Harvesting, ka Roof Top Water Harvesting wa ki laad yarap kiwa ye u yoh na ka chnat krehkaam yong ka Water Resource katwa u S.D. Laloo, General Secretary LDCJ da klam batai u chaphang ka chnong Jowai wei man kyrpang yong ka heiyatoh wa ka bei ramaw.

Ya kani ka yalang da pynphooh pynchongchit leh da i rwai na ki khynnah skur ka Chilliangraij UPS & LPS katwa hei pynkut wan ka Malborene Nikhla, Head teacher Chlliangraij Govt. LPS wei da e ko ki kyntien khublei wei pynbood won i thung ya ki tredieñ ha ki thaw wa em hapoh u pood u ang ka Dorbar Chnong Chilliangraij.