Jowai: Ka Dorbar Chnong Chyrmang wa kynthup yaka Chyrmang Neiñ waka Chyrmang Wah, haka 27 tarik uni u bnai da mih paidbah ki wow pynkhooid ya ki luti syngkeiñ kamjooh ki rood wah yong ka wah Myntdu kiwa haap hapoh u pood u ang yong ka Raij Chyrmang hapoh i pait yong ki artylli ki chnong.
Ya i pynkhooid da sdang nadooh ka yingkieñ kari (Syntu Ksiar), ki thaw rood wah wa ka-it ki bru wow lai baam doh hadooh wa poi cha ka chnong.
Ki artylli ki dorbar chnong da kyrpaad ki ya ki paidbah wow man kiwa ya krehlang hawa uiñke lai ke yow man kiwa lehkhooid, wei wym hoi u pynmih awri awra, i maisih maisang, heijooh i por hawa wan bamdoh bamkhana u man ki kiwa lehkhooid wa manda dep wow pyllang ya waroh iwa iwa da noh ym toh u ieh roi iwa wanrah yei tngit yaka soodong sookun.
Da maham leh wa lada chem ya kiwa wan wa leh pyrchah daw pynchitom chirup waka kuna katkam ki aiñ ka chnong.
Ini toh katkam wa pyntip u waheh chnong Chyrmang Neiñ u Skhemki Dkhar wa u Secretary chnong Chyrmang Wah u Kor Shylla.
Discussion about this post