Ka Chankylliang Development Society (CKDS) hapoh ka Link Worker Scheme (LWS) kawa da kyrchaan da ka Meghalaya AIDS Control Society (MACS) da yoh ko sa chisien wow pyman ya ka Village Level Awareness Camp (VLAC) kamjooh i sylli (Screening) neibynta u khñiang kjut wa tip kam u HIV kamjooh ya ka kjut AIDS ha Community Hall ka Wahshnong, Rymbai EJH ha ka 25 tarik uni u bnai.
Ya ka yalang da pynlai da ka Memjuklet Pala, In-charge namo kawa pait ya ka chnong Rymbai wei da yoh yei klam pdiang sñiawbha na u Secretary yong ka chnong Rymbai, u Mover Lyngdoh.
Yei pynsñiawthooh chaphang ka HIV/AIDS da yoh naka Rinibeth Patlong, Programme Manager TI, Khliehriat kawa da khana kammon wow pynduna yei poor smat u khniang HIV. Da batai ko kammon uni u khñiang ktah u yei doh i pran wei kammon wow yada khnang yow ye u kiar nei yabi kamjooh leh wow pynduna yei poor smat uni u khñiang.
Da ong ko wa Iada ym chimkhia wow sumaar wei wow leh ya ka Test kamjooh wow dih dawai ha i por wa biang, ye wow poi cha i maa wa i yap kamjooh. Kamtæ da pynchlur ya ki khyroo, ki manbei manpa wow wan ki chakhmat wow leh yei Test khnang wow tip yei man yong ki wei ya kani ka Test da e mynkna da ka sorkar.
Ha kani ka sngi da pynman leh ya HIV/AIDS wa STI Screening yow chim snam yow tip lada em kiwa yoh ya uni u khñiang heiwa ki kattu katni ki paaid chong chnong ka Rymbai da ya chimkhia ki wow wan chakhmat.
