Jowai: Ka yungkrehkaam ka District Child Protection Unit, Jowai hapoh ka Integrated Child Protection Scheme da pynman ki ya ka yalang pynsñiawthooh paidbah heiyatoh wa i hok ki khynnah kamjooh wow yada yei hok yong ki wa ka aiñ Protection of Children from Sexual Offence (POCSO) Act, 2012.
Ki khynnah skur wa wan cha kani ka yalang pynsñiawthooh paidbah wa pynman ha Jawaharlal Nehru Memorial Secondary School, Lamin kawa emlang leh u Principal ka skur u M. Gashnga wa kiwa sikai da yoh ki u sñiaw yei klam na ka yungkrehkaam ka District Child Protection Unit, Jowai heiwa kiwa puræ ka Martin Luther Christian University da pynyoo ki leh ya ka yalehke wow pynsñiawthooh ha kam kiwon ki kynti wa da leh pyrchah yei hok ki khynnah yow sñiawthooh ki ya ka aiñ POCSO Act, 2012.
Ka H. Challam, Social Worker, DCPU, Jowai da klam ko chaphang ka Integrated Child Protection Scheme waka aiñ Juvenile Justice Act katwa ka W. Ksoo, Legal cum Probation Officer, DCPU, Jowai da klam ko chaphang ka aiñ POCSO Act.
Discussion about this post