Ka Dorbar Chnong Mukhla Nongrim, ynne da pynman ko ya ka Election jied waheh chnong, wei ya kani ka jied waheh chnong da pynlai ya ka da u Dolloi ka Elaka Nangbah, u R. Moon Garod, hadien wa ka samoi krehkaam yong u waheh chnong da kut noh ko.
Ynne da em 3 ngut ki kyrtong wa da yakhun yow man waheh chnong, kitæ u Buhlut Suna uwa man u waheh chnong wa da kut samoi krehkaam, u Ryngkatlang Sari wa u Navy Sari.
Yei thap Vote da pynman ha yung Dorbar Hall ka chnong heiwa da wan kiwa chong chnong wow pynemkaam yei hok yong ki heiwa da jied biang ki ya u Buhlut Suna yow man biang u kam u Waheh Chnong ka Mukhla Nongrim neibynta ka samoi wa 3 snem nadooh u 2025 hadooh 2027.
U Buhlut Suna da jop u deiwa yoh 404 tylli ki Vote, u Ryngkatlang Sari da yoh wa ar u deiwa yoh 251 Vote katwa u Navy Sari da yoh u 179 tylli ki Vote.
Ya ka Executive Committee daw chna hachwa u kut uni u bnai.
Discussion about this post