Ka e snaam sñiawbha namo ka Blood Donation Camp da pynman ha ka 11 tarik uni u bnai ha HQ Eastern Air Command, IAF wa em ha Upper Shillong deiwa krehlang ka Station Medicare Centre HQ EAC (U) waka Air Force Station Laitkor Peak ha HQ ka EAC (U).
Ya kani ka e snaam da wan wai da u Gp Capt JK Pandey CO, HQ EAC (U) waka Dr. Charis Budnam ka Regional Blood Centre, Meghalaya deiwa emlang u Dr. Nongrum ka Woodland Hospital Shillong.
Waroh da yoh wow pynlang 47 Unit i snaam wa kynthup na le ngut ki kynthai na ki 62 ngut kiwa da wan chakhmat.
Neiliang u CO HQ EAC (U) da e khublei u ya ki wakreh nadooh ki Doctor, ki Nurse ka sorkar Meghalaya kamjooh ka Woodland Hospital waka Indian Air Force wa da pynjop yeini i e snaam wei yow pynsñiawthooh leh yei emkaam wow e snaam.
Ka Dr. Charis kawa na Pasture Institute Blood Bank da e khublei ko ya kiwa e snaam deiwa ong leh wa dang duna bha kiwa e snaam hapoh ka jylla Meghalaya deiwa pynchlur ko leh ya kiwi wow e snaam. Da khana ko leh wa du chi Unit i snaam daw yoh myntoi, yoh yarap hadooh 4 ngut ki bru.
Neiliang u Doctor ka Woodland Hospital da e u ya ki kyntien e khublei ya ka Air Force wa ki bru wa em hapoh yong ka kiwa da pynman ya kani ka sngi kawa jop. Wei kiwa da embynta da kular ki wow pynsñiawthooh paidbah yei emkaam wow e snaam wei wow pynman chooh chooh ya kam kini ki Blood Donation Camp yow pyndap yei duna snaam hapoh Meghalaya.
