Da ki spah ngut ki khynnah da wan chimbynta ki ha ka Trial wa da pynman da ka East Jaiñtia Hills District Football Association (EJHDFA) ynne ka sngi ha EJDSA Artificial Ground Diengshynrum.
Kani ka Trial man ko neibynta wow jied ya ki khynnah yalehke U-17 Boys yow mihkhmat ya ka District cha ka Meghalaya Games kawa daw pynman ha West Jaiñtia Hills District ha u bnai nyngkong u snem thymme.
Ya kani ka Trial da pynlai da ki soo ngut ki Coach kiwa napoh East Jaiñtia Hills District hi kamwa da pynkit ha ki yow pyndep yeini.
Neiliang ka EJHDFA da e khublei wei kitbok kitrwiang ko ya ki khynnah wa wan chimbynta wow mihkhmat ya ka District heiwa da jied 25 ngut na ki 168 ngut kiwa wan chimbynta.
Discussion about this post