Kam chibynta wow lehkmen ya ka National Sports Day yong u snem 2023, neiliang ka Golden Lion Football Coaching Center, Rymbai ynne ka sngi da pynman ko ya ka phet Marathon kawa da sdang nadooh Madan Pynriang laad Umchong hadooh Umrudein (Wahsarang), Rymbai deiwa dong kylla biang chei thaw sdang yow pynkut.
Ha kani ka Marathon da yoh nyngkong da u Kordor Shadap na ka chnong Narwan deiwa ye u pyndep hei por wa 30 Minute wa 20 Second, hei wa ar da yoh u Wandame Dkhar na ka chnong Jalyiah deiwa ye u pyndep hei por wa 31 Minute wa 30 Second katwa hei wa le da yoh u Emon Nongtdu na ka chnong Rymbai uwa da ye wow pyndep hei por wa 33 Minute wa 30 Second.
Da em leh kawi ka kynthai khyllood kawa da ya chimbynta ha kani ka Marathon katæ toh ka Kermika Dkhar kawa da ye u pyndep hei por wa 40 Minute wa 30 Second.
Chwa u sdang kani ka Marathon da yow ya ki kyntien pdiang burom ya waroh kiwa chimbynta na u President ka Golden Lion FCC, u Comfort Dkhar wei ya ki khusnaam da saam cha kiwa jop da u H. Tyngkan, Tymmen Wasan, u M. Rymbai wa u Dame Bareh kiwa man leh kam kiwa chah khut sñiawbha ha kani ka sngi.
Uwa yoh nyngkong da yoh u T. 1500, wa ar T. 1000 katwa uwa yoh wa le da yoh u T. 500.
Discussion about this post