Jowai: Ka Golden Lion Football Club hei ya khrehkaam lang waka Nehru Yuva Kendra Sanganathan, Jowai da chimbynta ko haka Swachh Bharat Summer Internship Programme (SBSI) ha ka chnong Rymbai nadooh ka 26 tarik Naiynniaw hadooh ka 27 tarik Naiynniaw 2019.
Ki kaam kiwa da leh da kani ka Club toh ka pynkhooid chnong hapoh ki dong waphær waphær yong ka chnong Rymbai, da pynman leh yaka lai paidbah hajrong ka phang wow pyndam ya i pynemkaam ya ki Plastic waka pynsñiawthooh paidbah chaphnag i emkaam ka lehkhooid.
U Reading War, uwa man kam u muktiar kamjooh u bru chemphang ha kani ka sngi da e u yei batai u chaphang i mut kani ka Swachh Bharat Summer Internship Programme heiwa da ong u wa kani man ko ka National Movement ha waroh ka ri India kawa da chimbynta da ki yung krehkaam sorkar, NSS waka NCC. Heijooh i por da batai u chaphang i emkaam u man kiwa lehkhooid haka imlang sahlang waroh kawi.
Ya kani ka yalang da pynlai da u Comfort Dhar uwa man u President ka Golden Lion Football Club, heiwa da emlang u S.J. Shylla Tymmen Wasan ka Balang Presbyterian Rymbai, u K. Ksoo u muktiar na District Office Khliehriat, ka Pasqualina Lamare Ex-Volunteer ka NYK waka Sakabanri Dkhar Volunteer ka NYK Khliehriat Block.
Ya kani ka programme da pynwai ya ka da u Lington Dkhar uwa man kam u Secretary yong kani ka Club.
Discussion about this post