Jowai: Ka Golden Lion Football Coaching Centre Rymbai hei ya khrehlang wa ka Nehru Yuva Kendra Sanganathan Jowai, da pynman ko ya ka Block Level Neighborhood Youth Parliament ha Rymbai Pohskur Secondary School ha ka 29 tarik u Naisaphra, 2019.
Ha kani ka Youth Parliament da pynman yaka pynsñiawthooh chaphang i myntoi wa yoh naka Yoga wei i sih wa mih na i pynemkaam ya ki Plastic. U Marlin Dkhar uwa man uwa sikai Yoga ha kani ka sngi da batai u ya ki khynnah skur chaphang ka Yoga, deiwa ong wa man ko ka dawai bah kawa emkaam bha ha i im u bru.
U Lington Dkhar uwa man u Secretary kani ka Club, da e u yei klam chaphang i emkaam wow leh khooid hapoh chnong poh thaw, wei da klam u leh chaphang i chah ktah ka rymaw neiwa pynemkaam ya ki Plastic. Da ong u wa ha kani ka juk wa katni ka rymaw wa chong wa sah i da man ko kawa jakhlai bha.
Ka Sakabanri Dkhar, National Youth Volunteer ka Nehru Yuva Kendra Sanganathan Jowai, da batai ko chaphang i rukom khrehkaam ka Nehru Yuva Kendra Jowai wa ki myntoi wa yoh na kani ka Office.
Ya kane kani ka pynsñiawthooh paidbah da pynlai ya ka da u Comfort Dkhar, uwa man u President ka Golden Lion Football Club hei ya emlang kiwa yahkhmat kani ka Club, ki khynnah skur wa kiwa sikai ka skur Rymbai Pohskur.
Discussion about this post