Ka e sikai wa chi sngi hapoh ka NEH Plan ka Production and Rejuvenation Practices of Khasi Mandarin namo wow pynku wei pynkhai im biang yei rep soh khontara da pynman da ka ICAR-Central Citrus Research Institute (ICAR-CCRI), Nagpur deiwa ya krehlang wa ka yung krehkaam ka District Horticulture Office, East Jaiñtia Hills District wei da pynman ka ha ka 11 tarik uni u bnai ha chnong Mookynpad, East Jaiñtia Hills District.
Ya kani ka e sikai da pynman hei pait i yahluti u Dr. Dilip Ghosh, Director, ICAR-CCRI, Nagpur deiwa wan chimbynta kamwa 53 ngut ki warep deiwa emlang ki bru wa chemphang hajrong i rep soh.
Neiliang u Stanly Roy Mulieh, Assistant Director of Horticulture, East Jaiñtia Hills District da ban joor u yeiwa emkaam wow bood yei rep katkam ka stat Science khamtam heiyatoh wa u soh khontara.
U Dr. Evening Stone Marboh, Senior Scientist, ICAR-CCRI, RRCC, Biswanath Chariali, Assam da batai u chaphang i rukom rep ya u soh khontara wei ka myntoi wa ye u yoh khamtam ha kani ka thaaiñ.
Neiliang u Tiewly Sutnga kam u waheh chnong ka Mookynpad da ong u wa kyrchaan u yeini i rukom rep wa katkam ka juk wa katni.
Ka L. Lakiang, District Agriculture Officer, East Jaiñtia Hills District da batai ko chaphang ki laad yarap wa da e ka sorkar Meghalaya cha ki warep nadooh ki e sikai wa kiwi de.
U Dr. Marboh kam u bru wa chemphang da batai u chaphang i rukom rep wei ong u leh wa emkaam u leh Germplasm wei wow pynemkaam leh da ki jait symbe wa em boonjait ha ka thaaiñ Northeast India kamjooh wow yada na ki kjut ki sam.
Kiwa chimbynta da yoh ki leh yei sikai wow chna Bordeaux Paste wa Bordeaux Mixture, deilang wa ki rukom ah sla ah chnat dieñ yow man u dieñ uwa chait wa khiah.
Ki warep da yoh ki leh wow kylli na ki Scientist wei wow khana leh yei eh i khoo wa maad ki.
Discussion about this post