Ka Jaintia Network Society deiwa khrehlang waka Nehru Yuva Kendra Sangathan da pynman ki ya ka yalang Physical Fitness Day ha ka 16 tarik uni u bnai ha ka chnong Mupliang.
Ya ka yalang lehwarom ya kani ka sngi da pynman ha chnong Mupliang deiwa emlang u waheh chnong kani ka chnong u Peter Phawa, uwa da ong u wa kani ka sngi toh kawa da kynmoo warom hapoh ka jylla yong i.
Da yaroh u leh ya ka seiñ wada ye ko u pynman ya kani ka yalang hapoh ka chnong. Da klam u kajiak chaphang ka Physical Fitness Day deiwa ong wa ka Physical Fitness da emkaam ya ka man-ka-sngi ha uwi pa uwi u bru neibhah i chait em ko manda baam i ya ki jait baam wa tei yei doh i pran.
Ha kani ka sngi ka bru chemphang namo ka Resource Person toh ka Sambhawaka Nyrtiang kawa man leh ka dkhot kani ka Society kawa da batai che chaphang ka Physical Fitness Day deiwa ong wa emkaam wow leh Exercise khnang yow yoh yei doh i pran wa chait wa khiah. Da batai ko wa i baam wa baam i katni boon sa ki dawai neitæ i daw emkaam ya ka Exercise ki kynja Sports khnang yow lait na i kjut wa boon jait.
Ya kani ka yalang da pynlai da ka Deimaya Nongtdu kawa man ka dkhot ka Society deiwa emlang u waheh chnong, ki dkhot kani ka Society, ki manbei, manpa wa ki khon khynrooo khyllood kani ka chnong.
Hadien ka yalang da em ka yalehke Sports kam ka dat Moo Point ya ki khynnah khynroo yong kani ka chnong, ki yaphet pyllah ya ki khynnah wa ka yalehbol ya ki khynroo kynthai wa chynrang.
